Programa para a promoción de emprego autónomo

Orde do 19 de agosto 2013, publicada no DOG nº159, de 22 de agosto de 2013, da Xunta de Galicia.

A finalidade deste programa é promover e axudar a financiar aqueles proxectos empresariais que facilitan a creación do seu propio posto de traballo ás persoas desempregadas que pretendan desenvolver a súa actividade empresarial ou profesional en Galicia como traballadores autónomos ou por conta propia.

Tipos de axudas:

• Subvención polo establecemento como traballador/a autónomo/a ou por conta propia.
• Subvención financeira.

O prazo de solicitude das subvencións será dun mes desde a data da solicitude de alta na Seguridade Social, e como prazo xeral rematará o día 30 de setembro de 2013.

As empresas que iniciaran as súas actividades entre o 11 de setembro de 2012 e o 22 de agosto de 2013 poderán solicitar as axudas ata o 22 de setembro de 2013.

Programa das iniciativas emprendedoras e de emprego (I+E+E)

Orde do 19 de agosto 2013, publicada no DOG nº159, de 22 de agosto de 2013.

Subvencións a empresas privadas de nova creación que xeren emprego estable, promovendo e financiando aqueles novos proxectos empresariais que facilitan a creación de postos de traballo estables de carácter indefinido a persoas desempregadas que pretendan desenvolver a súa actividade empresarial en Galicia.

Tipos de axudas:

• Subvención á xeración de emprego estable.
• Subvención financeira.
• Subvención para asistencia técnica.
• Subvención para o inicio da actividade.
• Subvención para a concilación da vida profesional e persoal dos promotores.

O prazo de solicitude das subvencións será dun mes desde a data da solicitude de alta na Seguridade Social, e como prazo xeral rematará o día 30 de setembro de 2013.

As empresas que iniciaran as súas actividades entre o 1 de outubro de 2012 e o 22 de agosto de 2013 poderán solicitar as axudas ata o 22 de setembro de 2013.

¡Compártelo!